07.07.2010

Kragverbruik onder die loep

Die Nasionale Energiereguleerder (Nersa) het ‘n dokument gepubliseer vir die hersiening van die reëls en regulasies vir doeltreffende kragverbruik en die bestuur van aanvraag, sê die Landboubesigheidskamer (LBK).

Luidens ‘n nuusbrief van die LBK is die eerste dokument vir regulatorise reëls vir die doeltreffende bestuur van energie en energie-aanvraag (EEAB) in 2004 gepubliseer. Die nuwe dokument sal dus die eerste hersiening van die regulasies wees.

Die Nasionale Energiereguleerder (Nersa) het ‘n dokument gepubliseer vir die hersiening van die reëls en regulasies vir doeltreffende kragverbruik en die bestuur van aanvraag, sê die Landboubesigheidskamer (LBK).

Luidens ‘n nuusbrief van die LBK is die eerste dokument vir regulatorise reëls vir die doeltreffende bestuur van energie en energie-aanvraag (EEAB) in 2004 gepubliseer. Die nuwe dokument sal dus die eerste hersiening van die regulasies wees.

Dr. John Purchase, bestuurshoof van die LBK, sê weens die belangrikheid van doeltreffende elektrisiteitverbruik in Suid-Afrika, moedig sy organisasie lede aan om die dokument na te gaan en voorstelle en opmerkings daaroor aan die LBK te stuur. Dit sal via Besigheidseenheid SA (Busa) aan Nersa deurgegee word.

Groot probleem lê vorentoe
Volgens Purchase moet landbou-ondernemings kyk na maniere om hulle kragverbruik meer doeltreffend te bestuur, want tekorte gaan in die toekoms ervaar word. “Die groot aanhef lê vorentoe, na 2012 en 2013 toe. Dan gaan ons probleme hê, want verbruik bly groei en die nuwe steenkoolaangedrewe kragstasies waaraan tans gewerk word, gaan op die vroegste eers in 2014 aanlyn kom.”

Die bedrywe in die landbou wat spesifiek geraak word, sluit die verskaffers en bottelaars van wyn, instansies wat graan opberg, en ondernemings in die sogenaamde koue voedselketting in. “Meer doeltreffende kragverbruik gaan ook ekonomiese voordele vir landbou-ondernemings inhou, aangesien kragpryse gaan styg,” verduidelik Purchase.

Agri SA kyk ook reeds na die dokument en meer doeltreffende kragverbruik van die boere se kant af, sê Purchase. Besproeiingsboere, asook vrugte- en groenteboere sowel as melkprodusente, word die meeste deur kragverbruikkwessies geraak.

Article source: www.landbou.com

Copyright © 2018 by Agricultural Business Chamber