News archive

News archive - June-2010

SA het steeds 'n staatsbank nodig

Hoe groot is die behoefte aan n landbougerigte staatsfinansier en hoe moet so n insatansie daar uitsien? n Paar kundiges is nader gehark vir antwoorde.

13.08.2010 / Agbiz in the news

More

WHO se "onvermoë" 'n verleentheid

Die Wêreldhandelsorganisasie (WHO) se onvermoë om die verwringing van markte te hanteer, is een van die grootste redes waarom Afrika nie in sy eie voedselbehoeftes kan voorsien nie, sê dr. John Purchase, uitvoerende hoof van die Landboubesigheidskamer.

“Meer as ’n derde van die mense in Afrika het nie voedselsekerheid nie.” Purchase was ’n spreker op die landbounetwerk-organisasie Agrifica se kongres by die Gallagher-landgoed in Midrand.

Afrika se handelsbalans groei negatief en die talle handelsooreenkomste tussen Afrikalande herinner Purchase aan ’n bak spaghetti. “Ons moet maniere kry om streke en die vasteland se handelsooreenkomste in pas met mekaar te kry.”

Dr. Theo de Jager, ondervoorsitter van Agri SA en nog ’n spreker op die kongres, sê ’n nuwe beleidsomgewing is nodig om ongelyke handel te hanteer. “Die Suid-Afrikaanse beleidsomgewing maak graanboerdery amper onmoontlik. Dit terwyl graan só sentraal tot die landbou staan dat die hele sektor siek word as die graanbedryf nies.”

06.08.2010 / Agbiz in the news

More

LBK-hoof praat: Mededingingsowerhede

Landbou.com se susterpublikasie, Landbouweekblad, het onlangs ’n onderhoud met mnr. Schalk Pienaar, nuwe voorsitter van die Landboubesigheidskamer, gevoer. Die artikel het in die 16 Julie uitgawe verskyn, maar het nie al die inligting bevat nie. Hier is die eerste in 'n reeks artikels wat die volle storie bevat.

Mededingingsowerhede:

LBW: a. Het ons dié owerhede nodig? Of is dit net ‘n las wat die landbou net reuse boetes kos?

SP: Ons het die beleid en wetgewing nodig. Daar is genoeg voorbeelde van waar daar werklik onmededingende optrede was wat tot nadeel van die verbruiker en andere was. As ’n besigheid  hom met onmededingende praktyke ophou, soos wat die bedoeling van die wetgewing is om te voorkom, dan moet hulle nie huil as hulle “uitgevang” raak nie.

05.08.2010 / Agbiz in the news

More

SA kan Afrika help om wêreld kos te gee

Suid-Afrika het die tegnologie, kundigheid en die ervaring om Afrika te help om die kosmandjie van die

wêreld te word.

Dit was die boodskap van me. Agrina Mussa, Malawi se hoëkommissaris in Suid-Afrika, op Agrifica se

konferensie in Midrand oor voedselsekerheid in Sub-Sahara-Afrika.

Malawi, wat altyd ’n netto invoerder van kos was, voer die afgelope twee jaar kos uit omdat hy ’n visie

gehad, sy makro-ekonomiese omgewing verbeter en boere se kunsmis begin subsidieer het, sê Mussa.

29.07.2010 / Agbiz in the news

More

Groenskrif steeds nie gereed

Die Departement van Landelike Ontwikkeling en Grondhervorming het sy spertyd vir sy Groenskrif oor hervorming vir ‘n tweede keer gemis, luidens ‘n berig op Business Day.

As ‘n gevolg is die bekendmaking van die departement se dokument oor die beplande veranderinge tot grondhervormingsbeleid Maandag (19 Julie) uitgestel.

“Ons eie sperdatum vir die vrystelling van die dokument in April het verander omdat die departement steeds besig is met die Groenskrif,” sê mnr. Eddie Mohoebi, woordvoerder.

20.07.2010 / Agbiz in the news

More

Kunsmisreus herstruktureer dalk

Sasol se kunsmisbedrywighede sal binne ’n jaar moet herstruktureer as die Mededingingstribunaal ’n skikkingsooreenkoms tussen die maatskappy en die Mededingingskommissie bekragtig.

Volgens die ooreenkoms sal Sasol ontslae moet raak van sy aanlegte in Bellville, Durban, Kimberley, Potchefstroom en Endicott waar kunsmis gemeng word. Die aanleg op Secunda sal behou word.

Sasol se verkoopsmodel sal verander en hy sal nie meer verkoopsagente gebruik nie. Die maatskappy mag voorts slegs die mark bedien wat binne ’n radius van 100 km van Secunda, Sasolburg en Sasol Nitro se drie depots geleë is.

Die maatskappy mag ook nie onderskeid tref tussen verskillende ammonium-nitraatprodukte nie – buiten as dit op kommersiële grondslag gedoen word. Die maatskappy mag ook net ammoniak invoer vir plaaslike gebruik. Hy mag ook nie meer ammoniak namens klante invoer nie.

16.07.2010 / Agbiz in the news

More

LBK maan oor grondprojekte

Landbou-ondernemings wat by grondhervormingsprojekte betrokke wil raak, moet mooi oor die risiko’s betrokke besin, sê die Landboubesigheidskamer (LBK).

Dr. John Purchase, bestuurshoof, sê dié waarskuwing volg nadat die oorhoofse ooreenkoms rakende transaksies en –prosesse vir grondhervorming, wat die LBK met die Departement van Landelike Ontwikkeling en Grondhervorming sou aangaan, van die baan is.

12.07.2010 / Agbiz in the news

More

Kragverbruik onder die loep

Die Nasionale Energiereguleerder (Nersa) het ‘n dokument gepubliseer vir die hersiening van die reëls en regulasies vir doeltreffende kragverbruik en die bestuur van aanvraag, sê die Landboubesigheidskamer (LBK).

Luidens ‘n nuusbrief van die LBK is die eerste dokument vir regulatorise reëls vir die doeltreffende bestuur van energie en energie-aanvraag (EEAB) in 2004 gepubliseer. Die nuwe dokument sal dus die eerste hersiening van die regulasies wees.

07.07.2010 / Agbiz in the news

More

Agri-besighede 'vrees vervolging'

Sinvoller maniere as swaar boetes bestaan om onmededingende gedrag ’n nekslag toe te dien, sê mnr. Schalk Pienaar, nuwe voorsitter van die Landboubesigheidskamer (LBK) en uitvoerende hoof van die agri-maatskappy, Suidwes.

Die vrees vir vervolging waarmee landbou-ondernemings deesdae elke saketransaksie aanpak, was nooit die bedoeling van die Wet op Mededinging (Wet 89 van 1998) nie, sê hy.

Pienaar sê die Mededingingskommissie se swaar boetes en die indruk dat vervolging amper obsessief nagejaag word, laat die vraag ontstaan of Suid-Afrika se ondernemings kan groei en presteer omdat elke transaksie met buitengewone omsigtigheid gehanteer word.

28.06.2010 / Agbiz in the news

More

Policy confusion threatens food security

Johannesburg — PICK n Pay chairman Gareth Ackerman warned yesterday that a lack of clear government policy on land ownership was a threat to global food security, just weeks before the expected release in SA of a government policy document on land reform.

24.06.2010 / Agbiz in the news

More

Sweepslag van resessie gaan landbou nou eers tref

Die landbou gaan die uitwerking van die wêreldwye resessie nou eers begin voel, sê prof. Johan Willemse, voorsitter van die departement landbou-ekonomie aan die Universiteit van die Vrystaat.

“Ek dink die landbou se moeilikheid lê nog voor. Die sweepslag van die resessie gaan die landbou in die volgende jaar begin tref,” het hy op die Landboubesigheidskamer se kongres op Somerset-Wes gesê.

Soos in die verlede, kan Suid-Afrika nie gebeure in die res van die wêreld ignoreer nie. Waar dit hoofsaaklik banke en maatskappye was wat in 2007 en 2008 bankrot gespeel het, het ’n tweede skokgolf, waarin lande bankrot kan gaan, die wêreld begin tref. Die probleem vir die Suid-Afrikaanse landbou is dat talle van die lande wat probleme kan ondervind, in Europa is. Europa is die eindbestemming van sowat 40% van Suid-Afrika se landbouprodukte wat uitgevoer word.

Willemse sê ’n jaar of wat gelede was die algemene wysheid nog dat regerings die oplossing vir die finansiële krisis is, maar nou word daar gemeen dat regerings veral ten opsigte van skuld eerder die probleem is. Boonop is die verwagting dat staatskuld in verskeie ontwikkelde lande verder gaan toeneem. In daardie verband vaar ontluikende ekonomieë aansienlik beter.

18.06.2010 / Agbiz in the news

More

Boetes ruk handuit, sê Willemse

Die Mededingingskommissie se pogings om te verseker dat mededingendheid in die landbou gehandhaaf word, is besig om handuit te ruk, meen prof. Johan Willemse, voorsitter van die departement landbou-ekonomie aan die Universiteit van die Vrystaat.

Hy het op die Landboubesigheidskamer (LBK) se kongres op Somerset-Wes gesê die groot boetes wat maatskappye opgelê word, bring die verspreiding en insameling van inligting, wat noodsaaklik vir die funksionering van die mark is, tot stilstand. Hy meen dit kan daartoe lei dat belegging in die landbou in die slag bly.

18.06.2010 / Agbiz in the news

More

Transformation: Talking about a revolution

Has real change come to SA business or is it all just talk? Insiders are divided on the state of transformation.

Indications are that the jury is out on business transformation; at least that’s the impression judging from the latest plans by SA’s Commission for Employment Equity. According to the commission, defaulting companies and individuals are to be named and shamed, while fines for non-compliance are to be increased. Most importantly, “zero tolerance” must be shown to the guilty, which “must result in prosecution”.

In a strongly worded letter in the commission’s 2008/09 annual report, Jimmy Manyi, chairperson of the commission, expresses his displeasure at the rate of transformation in SA business thus far.

Says Manyi: “It is disconcerting ... that all 106 companies that were reviewed were found to be in breach of procedural and substantive compliance. The majority of these companies were in the top 100 JSE-listed companies, which implies that they have the resources to implement the act.

11.06.2010 / Agbiz in the news

More

Landbou skud vere reg vir sportskouspel

Eet dit, drink dit, dra dit – Suid-Afrikaanse boere produseer dit. Dié boodskap wil die landbousektor oor die volgende paar weke aan die duisende sokkerbesoekers oordra.

Dit is nie net Bafana Bafana wat gereed is vir die wêreld se grootste sportskouspel wat vandeesweek begin nie. In landbougeledere is die vere ook reggeskud om duisende buitelandse besoekers aan Suid-Afrikaanse produkte bekend te stel.

Mnr. Johannes Möller, voorsitter van Agri SA, sê vanjaar se Wêreldbeker-sokker­toernooi is ’n goue geleentheid vir boere in Suid-Afrika om die goeie kos wat hulle produseer, aan die wêreld ten toon te stel. Hy en mnr. Simon Streicher, uit­voerende hoof van die SA Varkvleis­produsente-or­ga­ni­sa­sie (Sav­po), sê in ’n gesamentlike verklaring dit is ook ’n geleentheid om besoekers bloot te stel aan die land se skoonheid en die vriendelikheid van sy mense.

11.06.2010 / Agbiz in the news

More

Copyright © 2018 by Agricultural Business Chamber